प्रभाग क्र. ५४

राजकीय

            राष्ट्रवादी काँग्रेस पक्षाच्या पक्ष स्थापनेपासून आदरणीय खा. शरदचंद्रजी पवार साहेब, महाराष्ट्राचे उपमुख्यमंत्री ना. अजितदादा पवार साहेब, राष्ट्रवादी काँग्रेस पार्टीचे महाराष्ट्र प्रदेशाध्यक्ष ना. जयंतरावजी पाटील साहेब व बारामती लोकसभा मतदारसंघाच्या संसदरत्न खा. सुप्रियाताई सुळे यांच्या मार्गदर्शनाखाली पक्षामध्ये सक्रीय आहे.

           मी प्रथम पुणे जिल्हा युवक राष्ट्रवादी काँग्रेस अध्यक्ष, २००२-२००७ मध्ये पुणे महानगरपालिकेत नगरसेवक, स्थायी समिती सदस्य, प्लँनिंग कमिटी सदस्य या नात्याने ‘वडगाव–धायरी’ परिसरामध्ये अनेक विधायक विकासकामे केली. मला इथे नमूद करताना आनंद होतो आहे की ‘राजाराम पूल ते माणिकबाग’ (सिंहगड रोड) या रस्त्याच्या रुंदीकरण व काँक्रीटीकरणाच्या कामाचा शुभारंभही याच काळात झाला. त्यानंतर राष्ट्रवादी काँग्रेस पक्ष, खडकवासला विधानसभा मतदारसंघाचा, ‘अध्यक्ष’ या नात्याने पक्ष संघटनेबरोबरच मतदारसंघातील ग्रामपंचायत ते लोकसभा निवडणुकीपर्यंत अगदी सचोटीने पक्षाचे काम करत आलो आहे.

सामाजिक

          सामाजिक, सांस्कृतिक, राजकीय, क्रीडा, शैक्षणिक, आर्थिक क्षेत्रात माझे काम अविरतपणे सुरूच आहे. भविष्यातील या क्षेत्रात येणाऱ्या अडचणींचे निवारण करून, या क्षेत्रांचा विकास करण्यासाठी, मी नेहमीच प्रयत्नशील राहिलो आहे आणि प्रयत्नशील राहणार आहे. ‘जनसेवा हीच खरी ईश्वरसेवा‘ या उक्तीप्रमाणे आजतागायत माझी वाटचाल चालू आहे. हे करताना आपले आशीर्वाद, आपल्या शुभेच्छा, आपले सहकार्य कायमच मला लाभले, याची मला जाणीव आहे. नव्याने समाविष्ट झालेल्या आपल्या परिसरामध्ये नागरीकरण झपाट्याने वाढत आहे, परंतु अजुनही अनेक मुलभूत सुविधा आपल्याकडे उपलब्ध नाहीत. यापूर्वीही विविध विकासकामे मार्गी लावली आहेत, अजूनही खूप काही करावयाचे बाकी आहे. येणाऱ्या काळात आपले आशीर्वाद, शुभेच्छा, सहकार्य सदैव राहील हीच अपेक्षा, हीच विनंती

फोटो गॅलरी